Bydd y Cyngor yn cynnal gwaith gosod goleuadau traffig newydd yn ardal Trebanog yn ystod wythnos hanner tymor i darfu cyn lleied â phosibl.
Bydd y gwaith yn cael ei gynnal ar gyffordd Heol Trebanog, Heol Rhiwgarn ac Heol Edmondstown (i’w gweld yn y llun).
Mae newid y goleuadau traffig presennol yn hanfodol. Bydd goleuadau LED newydd mwy effeithlon o ran ynni yn cael eu gosod.
Bydd y gwaith hefyd yn cynnwys gosod system canfod cerbydau well ar y gyffordd, ac offer monitro newydd.
Bydd gwaith yn cychwyn ddydd Sul 23 Chwefror ac yn para wythnos.
Bydd goleuadau traffig pedair ffordd dros dro yn cael eu defnyddio wrth y gyffordd wrth i'r goleuadau parhaol gwell gael eu gosod, ynghyd â chroesfannau dros dro i gerddwyr.
Centregreat Ltd yw'r contractwr penodedig ar gyfer y cynllun ac ariennir y gwaith drwy Raglen Gyfalaf Priffyrdd 2024/25 y Cyngor.
Mae’n bosibl y bydd rhywfaint o oedi nad oes modd ei osgoi yn ystod y cyfnodau teithio prysuraf. Diolch ymlaen llaw i ddefnyddwyr y ffyrdd a’r gymuned am eich cydweithrediad.
Wedi ei bostio ar 18/02/2025