Caiff gwastraff bwyd ei gasglu o ochr y ffordd bob wythnos.
Sut mae'n gweithio
Mae angen i chi ddefnyddio un o'n biniau gwastraff bwyd i fanteisio ar ein casgliadau gwastraff bwyd. Os nad oes gyda chi un, mae modd i chi ofyn am fin gwastraff bwyd am ddim i ddechrau manteisio ar gasgliadau.
Mae ailgylchu eich gwastraff bwyd yn cadw plâu allan o'ch bagiau du, yn helpu i reoli eich lwfans bagiau du, ac yn lleihau nwyon tirlenwi sy'n ddrwg i'n hamgylchedd.
O fewn pythefnos i ofyn am fin gwastraff bwyd, byddwch chi'n derbyn:
- bin bach ar gyfer eich cegin
- rholyn o fagiau gwastraff bwyd i roi yn eich bin bach
- bin mawr y mae modd ei gloi ar gyfer y tu allan
Rydyn ni'n casglu gwastraff bwyd o'ch man casglu bob wythnos.
I roi eich gwastraff bwyd allan i'w gasglu:
- Gwnewch gais am fin bwyd
- Gwiriwch eich diwrnod casglu gwastraff bwyd
- Rhowch wastraff bwyd yn unig yn eich bagiau bwyd
- Defnyddiwch fagiau gwastraff bwyd a gaiff eu darparu gennym ni neu prynwch fagiau safonol y diwydiant o archfarchnadoedd neu fanwerthwyr ar-lein
- Peidiwch â gorlenwi eich bagiau
- Pan fydd eich bin gwastraff bwyd cegin yn llawn, tynnwch y bag a chlymwch y bag yn dynn
- Rhowch y bag yn eich bin gwastraff bwyd y tu allan
- Clowch dop y bin i atal anifeiliaid rhag mynd i mewn
- Rhowch eich bin gwastraff bwyd mawr yn eich man casglu arferol erbyn 7am
Gofyn am fin gwastraff bwyd
Gofynnwch am fin gwastraff bwyd i ddechrau manteisio ar y casgliadau wythnosol neu gwnewch gais am fin newydd os oes angen.
Gofyn am fin gwastraff bwyd
Yr hyn gewch chi ei roi yn y bagiau a'r hyn does dim modd i chi ei roi yn y bagiau
Le:
- Ffrwythau a Llysiau
- Cig a Physgod
- Bara ac eitemau becws
- Reis, pasta a ffacbys
- Cynhyrchion llaeth
- Sawsiau
- Esgyrn
- Bagiau te, dail te a choffi
- Grawnfwyd
- Bwyd anifeiliaid
Na:
- Bagiau plastig, deunydd pacio neu gynwysyddion
- Gwydr neu fetel
- Tuniau, caniau a ffoli
- Deunydd pacio bwyd
- Cardfwrdd a phapur
- Pecynnau creision
- Deunydd lapio clir
- Olew neu frasterau hylif
- Hylifau
- Blodau a gwastraff gardd
- Dillad
Os nad oes modd i eitem neu ateb ar y rhestr yma, bwriwch olwg ar ein hadnodd chwilio ailgylchu A-Z.
Casglu mwy o fagiau
Mae modd casglu bagiau gwastraff bwyd o nifer o leoliadau lleol.
Peidiwch â storio gormod o roliau o fagiau gartref. Maen nhw wedi'u gwneud yn fwriadol o ddeunydd bioddiraddadwy a fydd yn gwanhau dros amser ac a all ddod yn fregus erbyn i chi eu defnyddio nhw.
Rhoi gwybod am wastraff sydd heb gael ei gasglu
Efallai y bydd ein criwiau'n rhedeg yn hwyr ac efallai na fyddan nhw'n casglu eich bagiau tan yn ddiweddarach yn y dydd. Os nad yw eich bagiau wedi'u casglu ar ôl 24 awr, mae modd i chi roi gwybod am eich gwastraff sydd heb gael ei gasglu.