Grantiau Gwresogi ac Arbed

Mae cymorth grant ar gael i drigolion Rhondda Cynon Taf i'ch helpu i wella effeithlonrwydd ynni eich cartref. Er mwyn helpu i nodi pa ffynonellau cymorth mae'n bosibl eich bod chi'n gymwys i'w cael yn seiliedig ar eich amgylchiadau, defnyddiwch ein teclyn blaenoriaethu, Cliciwch isod i ddefnyddio'r ffurflen ar-lein:

Cliciwch yma i gwblhau ffurflen asesu ynni ar-lein

Os ydych chi'n berchen-feddiannydd a does gyda chi ddim system wresogi sy'n gweithio neu mae gyda chi ddiddordeb mewn gwella effeithlonrwydd ynni eich cartref drwy wella system wresogi bresennol aneffeithlon, mae cymorth grant ar gael drwy Grant Wresogi'r Cyngor. Mae'r Grant yn darparu cymorth ariannol ar gyfer amrywiaeth o waith uwchraddio systemau gwresogi gan gynnwys dewisiadau gwresogi ag ynni adnewyddadwy a (lle bo angen) mesurau effeithlonrwydd ynni bychain ynghyd â dewisiadau gwresogi. Mae'r grant yn cael ei ariannu gan Lywodraeth Cymru drwy Gronfa Twf Lleol y DU yng Nghymru ac mae modd iddo ddarparu cymorth ariannol hyd at uchafswm o £5,000 ar gyfer perchen-feddianwyr.

Meini Prawf Cymhwysedd

• Rhaid i'r eiddo fod yn Rhondda Cynon Taf
• Rhaid i'r sawl sy'n gwneud cais fod yn berchen-feddiannydd ar yr eiddo 
• Rhaid i'r sawl sy'n gwneud cais fod ag incwm cartref net o dan £30,576 ar ôl unrhyw gostau ad-dalu morgais

• Rhaid i unrhyw arbedion fod o dan £16,000

Mae rhestr o'r holl dystiolaeth bydd rhaid i chi ei darparu wrth wneud cais yn y dogfennau cysylltiedig.

Sylwch nad oes angen i chi dderbyn budd-daliadau sy'n dibynnu ar brawf modd i wneud cais. Mae'r cymorth grant yn cael ei ddyrannu yn seiliedig ar eich amgylchiadau a'ch cymhwysedd.

Beth sydd angen i chi ei wybod

Bydd ymgeiswyr posibl sy'n bodloni'r meini prawf yn cael eu hystyried ar gyfer cymorth grant fydd yn cyfrannu at amrywiaeth o waith uwchraddio systemau gwresogi gan gynnwys dewisiadau gwresogi ag ynni adnewyddadwy a (lle bo angen) mesurau effeithlonrwydd ynni bychain eraill ynghyd â dewisiadau gwresogi. Bydd hyn yn ddibynnol ar yr amodau canlynol:

• Uchafswm y grant yw £5,000
• Rhaid i berchennog yr eiddo dalu unrhyw gostau ychwanegol ar gyfer gwaith sydd uwchlaw uchafswm y grant (mae modd gwneud hyn trwy geisio cymorth pellach megis benthyciadau neu gymorth grant arall, yn amodol ar gymhwysedd).
• Ni fydd gwaith a gafodd ei gyflawni cyn cymeradwyo’r grant yn gymwys i fanteisio ar gymorth grant.
• Bydd y taliad grant ar gyfer ceisiadau sydd wedi'u cymeradwyo dim ond yn cael ei ryddhau pan fydd y gwaith wedi'i gwblhau ac ar ôl derbyn anfoneb fanwl a ffurflen ganiatâd grant wedi'i llofnodi. Bydd arolwg ar ôl gwaith gosod yn cael ei gynnal wedi hynny.