Canclwm Japan | Cyngor Bwrdeistref Sirol Rhondda Cynon Taf

Wedi'i gyflwyno o Japan ym 1850, Canclwm Japan yw un o'r chwyn mwyaf niweidiol yn y DU. Yn ei gynefin brodorol, mae Canclwm Japan yn rhywogaeth arloesol a geir yn nodweddiadol ar Iarfa Folcanig. Ac yntau wedi'i atgenhedlu'n gyflym trwy ddarnau bach o'r rhisom, mae modd i chwyn Canclwm Japan dyfu hyd at 10cm y dydd ac mewn dim ond 10 wythnos, mae modd i'w goesau gyrraedd 3-4 metr o uchder.

Mae modd i Ganclwm Japan dyfu yn y rhan fwyaf (os nad pob un) o amodau pridd a geir yn y DU, er bod y rhywogaethau yma yn dangos hoffter cryf o gynefinoedd a wnaed gan ddyn. Mae cynefinoedd cyffredin lle mae clymog goresgynnol i'w cael yn cynnwys ar ymylon ffyrdd, tir gwastraff, argloddiau a thrychfeydd rheilffordd, tomenni rwbel mwyngloddiau ac ar lannau afonydd a nentydd. Mae'r planhigyn yn gyffredin ledled Rhondda Cynon Taf.

Mae'r llywodraeth wedi cyflwyno nifer o Ddeddfau a rheoliadau Canclwm Japan [RW1] ynghylch rheoli, tyfu a chludo Canclwm Japan er mwyn amddiffyn perchnogion tai, busnesau a'r amgylchedd fel ei gilydd. Mae'r deddfau yma wedi'u rhoi ar waith yn araf dros y blynyddoedd mewn ymateb i ledaeniad cynyddol rhywogaethau planhigion goresgynnol yn y DU.

Oherwydd yr effeithiau negyddol ar amgylchedd ac economi'r DU, mae pob clymog goresgynnol wedi'u rhestru o dan Atodlen 9 o Ddeddf Bywyd Gwyllt a Chefn Gwlad 1981, sy'n golygu ei bod yn drosedd plannu neu achosi i'r planhigion yma dyfu yn y gwyllt. Nid yw'n drosedd ynddo'i hun cael Canclwm Japan yn tyfu ar eich tir, fodd bynnag, mae'n drosedd os ydych chi'n caniatáu i'r planhigyn ledaenu i dir cyfagos.

Mae'r planhigyn clymog wedi'i ddosbarthu fel 'deunydd gwastraff rheoledig' o dan Ddeddf Diogelu'r Amgylchedd 1990, sy'n golygu mai dim ond cludwr gwastraff cofrestredig all ei gludo i safleoedd sydd wedi'u trwyddedu neu wedi'u heithrio'n addas.

I adnabod Canclwm Japan, ewch i wefan NNSS.