Mae Gwasanaethau Arlwyo RhCT yn darparu bwyd;en flasus a maethlon i holl ysgolion yn Rhondda Cynon Taf.
Rydyn ni'n cynnig bwydlen dros ddwy wythnos o brydau poeth, ynghyd â salad dyddiol, bwydlen brechdanau/bageti ac opsiwn tatws drwy'u crwyn. Mae ein prydau yn cynnwys pwdin a diod. Mae pob ysgol yn cynnig bara gwenith cyflawn diderfyn ac yn ogystal â phwdin y dydd. Rydyn ni hefyd yn cynnig dewis cyfyngedig o iogwrt rhew, caws & cracers neu ffrwythau ffres.
Bwydlenni
*Oherwydd argaeledd cyflenwyr, mae'n bosibl bydd cynhyrchion yn newid.
Gofynion dietegol sydd wedi'u rhagnodi'n feddygol
Oes gan eich plentyn oed ysgol cynradd alergedd neu anoddefiad bwyd, neu gyflwr meddygol a fydd yn golygu bydd angen Gofynion dietegol sydd wedi'u rhagnodi'n feddygol? Os felly, mae gan y Gwasanaethau Arlwyo gyfleuster ar-lein lle mae modd gofyn am ddiet a ragnodwyd yn feddygol. Cofrestru gofyniad dietegol a ragnodir yn feddygol.
Nodwch: Rydyn ni'n prynu bwyd sydd heb ddatgan cnau fel cynhwysyn. Serch hynny, hyd yn oed gyda mesurau rheoli croeshalogi rhagweithiol, mae nifer o brosesau trin yn y gadwyn gyflenwi yn cyflwyno'r posibilrwydd y bydd olion yn parhau. Does dim modd i ni reoli'r bwydydd y mae cwsmeriaid eraill yn dod â nhw i mewn i'r safle bwyta.
Mae risg weddilliol yn parhau o ran bwyd wedi'i ddarparu gan Wasanaethau Arlwyo RhCT felly 'gall gynnwys olion cnau neu elfennau sy'n deillio o gnau'. Dylai cwsmeriaid sydd ag alergedd cnau ystyried y risg cyn prynu/bwyta unrhyw fwydydd.
Prydau Ysgol am ddim i holl blant Ysgolion Cynradd
Ym mis Medi 2022, lluniwyd Cytundeb Cydweithio rhwng Llywodraeth Cymru a Phlaid Cymru i gyflwyno Prydau Ysgol i holl blant Ysgolion Cynradd (UPFSM) i bob disgybl cynradd erbyn mis Medi 2024. Cafodd y cynllun ei gyflawni yn Rhondda Cynon Taf ym mis Ebrill 2024, cyn dyddiad terfyn Llywodraeth Cymru o fis Medi 2024.Mae pob disgybl, gan gynnwys disgyblion Meithrin mewn addysg llawn amser, nawr yn gymwys i dderbyn pryd o fwyd iachus am ddim bob dydd yn yr ysgol.Dydy disgyblion Meithrin rhan-amser ddim yn gymwys i dderbyn prydau ysgol am ddim. Fodd bynnag, mae'n bosibl bod rhai lleoliadau'n cynnig darpariaeth cinio, ond bydd rhaid i'r rhiant/ gwarcheidwad dalu trwy'r porth talu ar-lein.
Cwestiynau Cyffredin - Prydau Ysgol am ddim i holl blant Ysgolion Cynradd
Talu am eich cinio ysgol
Pryd Ysgol Gynradd – £2.95 y pryd (Disgyblion Meithrin Rhan-amser yn unig)
Gallwch bellach dalu ar-lein am brydau ysgol eich plentyn.
Mae ein prydau'n cydymffurfio â gofynion rheoliadau Safonau a Gofynion Maeth Llywodraeth Cymru.
Gwybodaeth ar gyfer rhieni a gofalwyr
Pam ddylech chi ddewis prydau ysgol?
- Mae ein bwydlenni yn faethlon cytbwys ac o dan reolaeth
- Mae'n arbed amser i rieni/gwarcheidwaid
- Mae gan bob aelod o staff gymhwyster 'Hylendid Bwyd Sylfaenol', fan lleiaf
- Mae ein pecynnau cinio wedi'u gwneud yn ffres bob dydd ac yn cael eu cadw'n oer tan iddyn nhw gael eu gweini.
Newyddion
Cysylltwch â ni - gwasanaethauarlwyo@rctcbc.gov.uk