Dysgwch ragor am y Rhaglen Dysgu Nofio i Blant, manylion cyrsiau, cyfleoedd datblygu sgiliau a llawer yn rhagor ar wefan Nofio Cymru.
Mae ein rhaglen Gwersi nofio i blant yn rhedeg dros 50 wythnos o'r flwyddyn gydag egwyl o 2 wythnos dros y Nadolig. Mae gwersi yn magu sgiliau nofio a hyder plant 4 oed a hŷn. Maen nhw hefyd yn cynnig cyfleoedd i'ch plentyn weithio tuag at gystadlaethau nofio trwy glybiau a gweithgareddau dŵr eraill, er enghraifft plymio, polo dŵr, achub bywyd, canŵio, chwaraeon dan y dŵr a thriathlon.
I ategu ein rhaglen gwersi nofio i blant rydyn ni'n cynnig gwersi nofio un-i-un a chwrs nofio carlam yn ystod gwyliau'r ysgol. Am ragor o wybodaeth am y rhain cysylltwch â'ch canolfan hamdden leol yn uniongyrchol.
Mwy o wybodaeth
Chwilio a chadw lle ar-lein
Mae ein system ar-lein yn rhoi cyfle i chi wirio argaeledd gwersi nofio i fabanod, plant ac oedolion, gwersi plymio a chyrsiau carlam yn ystod gwyliau'r ysgol.
Mae modd i chi wirio argaeledd gwersi nofio i fabanod, plant ac oedolion, gwersi plymio a chyrsiau carlam yn ystod gwyliau'r ysgol.
Defnyddiwch y gwymplen i ddewis canolfan Hamdden am Oes a gweithgaredd.
Nodwch – os nad oes modd i chi ddod o hyd i'r cyrsiau/sesiynau rydych chi'n chwilio amdanyn nhw yn y ganolfan o'ch dewis, ewch yn ôl i ddewis canolfan arall.
Y canlyniadau sydd i'w gweld yw'r rhai y mae modd cadw lle arnyn nhw ar-lein yn unig, nid yr amserlen yn ei chyfanrwydd. I weld yr amserlen yn ei chyfanrwydd, defnyddiwch yr hidlyddion ar y chwith i ddewis yr opsiwn i weld y cyrsiau sy'n llawn. Mae hyn yn golygu y bydd modd i chi weld yr holl sesiynau fel bod modd i chi gynllunio dyddiadau.
Mae holl gwsmeriaid Gwersi Nofio i Blant yn dechrau yn nosbarth Ton 1 ar gyfer eu sesiwn gyntaf, ni waeth be fo'u hoedran, fel bod modd i hyfforddwr asesu gallu nofio a dewis y Don gywir ar gyfer y dyfodol.
Chwilio a chadw lle ar-lein. Am ragor o wybodaeth, anfon e-bost: gwersinofio@rctcbc.gov.uk.
Sylwch, does dim rhestrau aros gyda ni mwyach ar gyfer gwersi nofio; caiff lleoedd eu dyrannu ar sail y cyntaf i'r felin.
Olrhain eich cynnydd
Mae modd i chi olrhain cynnydd wythnosol eich plentyn gan ddefnyddio ein gwasanaeth porth. Bydd gwybodaeth gofrestru yn cael ei hanfon yn rhan o'r broses gofrestru.
Tystysgrifau a bathodynnau
Mae tystysgrifau a bathodynnau ar gael i'w prynu o'r ganolfan hamdden ar gyfer pob lefel sydd wedi'i chwblhau.
Gwersi Nofio trwy gyfrwng y Gymraeg
Rydyn ni hefyd yn cynnig gwersi nofio trwy gyfrwng y Gymraeg mewn partneriaeth â’r Urdd. Mae’r rhain ar gael yng Nghanolfan Hamdden Llantrisant (Dydd Llun) a Chanolfan Chwaraeon Cwm Rhondda (Dydd Mawrth).
Mae lleoedd yn brin, felly os oes gyda chi ddiddordeb mewn archebu lle, ewch i'r ganolfan cyn gynted â bo modd. Yn y ganolfan, bydd gofyn i chi lenwi ffurflen gofrestru, cytuno â'n telerau ac amodau a dewis eich opsiwn talu (debyd uniongyrchol neu arian parod).
Rydyn ni'n gobeithio bydd modd i ni ddarparu Gwersi Nofio drwy'r Gymraeg yng Nghwm Cynon yn y dyfodol hefyd. Bydd rhagor o wybodaeth am hyn yn dilyn maes o law.
Mae'r rhaglen 'Tonnau' yn dilyn y rhaglen Sblash. Dyma gam nesaf y llwybr dysgu nofio.
Os nad oes lleoedd ar gael, byddwn ni'n rhoi eich enw ar restr aros a byddwn ni'n cysylltu â chi pan fydd lle ar gael. Mae modd prynu tystysgrifau a bathodynnau ar gyfer pob ton wedi'i chwblhau yn y ganolfan hamdden
Ar ôl cwblhau ton 7, bydd gan blant y cyfle i symud ymlaen at ddisgyblaeth nofio benodol trwy ymuno ag un o'n
clybiau nofio neu ein rhaglen o
wersi achub bywyd neu barhau â thon 8 lle byddan nhw'n cael blas ar ddisgyblaethau nofio gwahanol megis 'rookies', polo dŵr, plymio a nofio artistig.
Am ragor o wybodaeth am Sblash a Thonnau, ewch i wefan Nofio Cymru (Dysgu Nofio).