Swyddi a Hyfforddiant

Mae'r Cyngor yn gwerthfawrogi amrywiaeth yn y gweithle. Rydyn ni'n ymroddi i sicrhau nad oes gwahaniaethu anghyfreithlon (naill ai'n uniongyrchol neu'n anuniongyrchol) ar sail rhyw, hil, anabledd, cyfeiriadedd rhywiol, trawsryw, gan gynnwys y rheiny â hunaniaethau anneuaidd, crefydd neu gred neu feichiogrwydd a mamolaeth yn y broses benodi.

Rydyn ni'n cynnig nifer o rwydweithiau staff i weithwyr gan gynnwys y Rhwydwaith Cynghreiriaid Staff, Rhwydwaith Anabledd a Chynhalwyr, Perthyn - ein rhwydwaith i staff LGBTQIA+, a Sbotolau, sef ein rhwydwaith i staff du a lleiafrifoedd ethnig. Mae diogelu plant ac oedolion agored i niwed yn gyfrifoldeb craidd pob un o'r gweithwyr sy'n cael eu penodi gan y Cyngor.

Fyddwn ni ddim y trin cais am swydd a wneir yn Gymraeg yn llai ffafriol na chais a wneir yn y Saesneg.

Os ydych chi'n chwilio am swydd gyda'r Cyngor ac yn gallu siarad Cymraeg, efallai y byddwch chi'n gymwys ar gyfer ein Cynllun Gwarantu Cyfweliad i siaradwyr Cymraeg. Os ydych chi'n bodloni'r meini prawf hanfodol ar gyfer rôl ac yn gallu cynnal sgwrs yn y Gymraeg, byddwch yn derbyn cyfweliad yn awtomatig. 

Nid oes rhaid i'ch Cymraeg fod yn berffaith nac yn iaith gyntaf i chi, a hyd yn oed os nad ydych chi wedi'i defnyddio ers yr ysgol, mae eich sgiliau Cymraeg yn bwysig a gallent eich helpu i sicrhau swydd gyda'r Cyngor. Os byddwch chi'n llwyddiannus yn eich cais, mae'r Cyngor hefyd yn cynnig gwersi Cymraeg am ddim yn ogystal â chefnogaeth cyffredinol o ran y Gymraeg fel y gallwch chi wella a defnyddio'ch Cymraeg wrth i chi weithio.