Ellie Bartlemore, Swyddog Graddedig - Gwelliannau Digidol

Beth oedd uchafbwynt dy gyfnod yn Swyddog Graddedig?

Uchafbwynt bod yn Swyddog Graddedig oedd bod pawb yn fy maes gwasanaeth i, sef TGCh, ynghyd ag Adnoddau Dynol, yn awyddus i fy helpu i i ddatblygu fy nealltwriaeth ymhellach. O ganlyniad i’r gefnogaeth yma llwyddais i ennill cymhwyster uchel ei barch wrth weithio, a chael meithrin perthnasoedd gydag adrannau amrywiol ar hyd y ffordd.

Beth oedd yr her fwyaf i ti ei hwynebu, a sut wnest ti ei goresgyn?

Yr her fwyaf oedd cwblhau'r cymhwyster ochr yn ochr â gweithio swydd lawn amser yn ystod pandemig. Roedd ein hadran ni'n ymwneud â darparu miloedd o ddyfeisiau i aelodau staff er mwyn ddyn nhw weithio gartref, a datblygu sgiliau staff trwy sesiynau rhithwir er mwyn sicrhau eu bod nhw'n gallu defnyddio'r adnoddau digidol. I oresgyn hyn, roeddwn i'n mynychu cyfarfodydd cyson gyda fy rheolwr i sicrhau bod modd i fi drefnu amser bob wythnos i gwblhau rhai o fy aseiniadau. Roeddwn i hefyd yn cael sesiynau un-wrth-un gyda thiwtor fy nghwrs i weithio ar fy aseiniadau. Roedd y sesiynau yma'n fuddiol er mwyn sicrhau fy mod i'n dal i ganolbwyntio ar fy aseiniadau yn hytrach na chanolbwyntio ar fy ngwaith yn unig.

Sut wnaeth y Rhaglen i Raddedigion dy helpu di i gyrraedd lle rwyt ti heddiw?

Cyn dechrau ar y Rhaglen i Raddedigion, roeddwn i wedi bod yn gweithio i'r Awdurdod ers dros flwyddyn. Roedd y rhaglen yn gyfle i ennill cymhwyster Rheoli Prosiectau, datblygu fy sgiliau a meithrin perthnasoedd newydd ar draws y Cyngor. Mae'r wybodaeth sydd gen i ers ymuno â'r rhaglen wedi rhoi sylfaen dda i fi wrth ddatblygu fy ngyrfa ymhellach ac wedi caniatáu i fi gael dyrchafiad a rôl barhaol yn rhan o'r Swyddfa Gwelliannau Digidol.