Enw: Harry
Ymuno â'r Rhaglen i Raddedigion: Gorffennaf 2024
Swydd Raddedig: Swyddog Graddedig – Rheoli Perygl Llifogydd
Rôl Bresennol: Swyddog Rheoli Perygl Llifogydd (Strategaeth)
Gradd: Dŵr mewn Byd sy’n Newid (MSc), Daearyddiaeth (BSc)
Beth oedd uchafbwynt y Rhaglen i Raddedigion?
Uchafbwynt fy mhrofiad o’r Rhaglen i Raddedigion oedd sicrhau swydd barhaol yn Swyddog Rheoli Perygl Llifogydd yn rhan o’r Garfan Strategaeth lai nag 8 mis i mewn i’r rhaglen.
Beth oedd yr her fwyaf i chi, a sut wnaethoch chi ei goresgyn?
Ym mis Tachwedd 2024, arweiniodd cyfnod o law eithafol, o’r enw Storm Bert, at lifogydd y tu mewn i dros 400 o eiddo yn RhCT. Roedd hyn yn her enfawr i'w goresgyn mor gynnar yn fy rôl yn Swyddog Graddedig – Rheoli Perygl Llifogydd. Roeddwn i'n ffodus iawn o fod yn rhan o garfan wych, gyda chymorth gan y garfan Cyflogaeth, Addysg a Hyfforddiant. Roedd y cymorth yma wedi fy ngalluogi i ymdopi â'r heriau yn sgil y digwyddiad.
Pa gyngor fyddech chi'n ei roi i unrhyw un sy'n ystyried gwneud cais i fod yn rhan o'r Rhaglen i Raddedigion?
Fy nghyngor gorau fyddai ymchwilio i'r adran berthnasol rydych chi'n ystyried cyflwyno cais i fod yn rhan ohoni. Mae gwefan Cyngor RhCT yn lle arbennig i ddechrau. Er enghraifft, yn fy achos i, roedd ymchwilio i Strategaeth a Chynllun Gweithredu Rheoli Perygl Llifogydd Lleol RhCT wedi rhoi dealltwriaeth fanylach i mi o berygl llifogydd lleol a dull y Cyngor o ran lliniaru llifogydd. Roedd modd i mi drafod yr wybodaeth yma yn ystod y cyfweliad.