Wellbeing Courses

Celf er Lles 

 

Ymlaciwch a mwynhewch ddefnyddio deunyddiau celf gwahanol mewn dosbarth cyfeillgar a chefnogol mewn adeilad wedi’i leoli ym Mharc hyfryd Pontypridd.

Rhowch gynnig ar wahanol gyfryngau a gweithio ar eich cyflymder eich hun. Mae croeso i bawb - dechreuwyr a’r rheiny sydd eisiau amser i fod yn greadigol.

 

Celfyddydau Cain er Lles 

 

Mae Celfyddydau Cain er Lles yn cyfuno defnydd creadigol dulliau a deunyddiau celf ag ymlacio a myfyrio ac yn cynnig amser i ddatblygu eich prosiectau celf personol â chymorth arbenigol.

Bydd y gweithgareddau’n cynnwys:

• Ymateb i natur a ffurfiau naturiol.
• Peintio wrth wrando ar gerddoriaeth.
• Defnyddio geiriau a llenyddiaeth fel man cychwyn ar gyfer eich gwaith celf.
• Archwilio gwneud marciau mewn cyfryngau sych a gwlyb.
• Meddwl am seicoleg lliw a sut mae’n ymwneud â hwyliau. 

Canu er budd Iechyd 

 

Dewch i ganu’n rhan o grŵp cyfeillgar a hamddenol i gyfeiliant gitâr. Bydd yn cynnwys ymarferion anadlu a sesiynau cynhesu’r llais cyn canu ystod eang o ganeuon. Does dim angen profiad blaenorol. 

 

Meddylgarwch

 

Mae meddylgarwch yn cynnig y gofod a’r profiad i fod yn fwy ymwybyddol ofalgar, gan rannu awgrymiadau ac ymarfer gyda phobl o’r un anian.

Deffrwch eich synhwyrau a thalu sylw i’ch meddwl a’ch corff er mwyn gwneud y gorau o’ch profiadau dyddiol. Mae yna themâu gwahanol bob wythnos a thasgau i’w cyflawni gartref i gefnogi’ch lles, ar gyfer heddiw ac i’w defnyddio yn y dyfodol.

 

Mewnwelediad i Les

Meddwl iach, corff iach. Mae’r cwrs yma’n gyfle i chi gwrdd â phobl eraill a myfyrio ar eich iechyd. Cewch awgrymiadau a chymhelliant i fyw bywyd iachach. 

Aromatherapi

Bydd y cwrs hwn yn rhoi dealltwriaeth sylfaenol i chi o sut i gymysgu olewau hanfodol ar gyfer tylino aromatherapi.