Ewch ar grwydr o gwmpas Parc Treftadaeth Cwm Rhondda

Bydd croeso cynnes wrth i chi fynd ar daith drwy hanes, heibio siopau traddodiadol yr oes a fu.

Cerddwch ar hyd y coblau gwreiddiol a dilyn olion traed glowyr a arferai weithio yn y pwll glo yma. Edmygwch yr olygfa banoramig.

Ewch y tu mewn i Dŷ Weindio Bertie ac edrych ar y peiriannau sydd wedi cael eu hadfer i'w hen ogoniant.

Ewch i mewn i Dŷ Injan Trefor ac edmygu'r golygfeydd a synau syfrdanol. Manteisiwch ar y cyfle i weld sut mae'r gawell yn mynd o wyneb y ddaear i waelod y pwll, ac yn ôl.

Ewch ar daith gyda'n tywyswyr o gwmpas adeilad Pen y Pwll. Roedd y lle yma'n brysur dros ben ar ddiwrnod gwaith.

Peidiwch â cholli'r cyfle i weld sut le oedd hi yn y pwll glo, drwy gael cip ar ein gwythiennau glo, sy wedi'u hail-greu. Mae cyfle gydag ymwelwyr i fynd ar daith o gwmpas y rhwydwaith o dwnelu (ar ôl casglu offer diogelwch, wrth gwrs).