Arwerthiannau Cist Car
Mae modd cadw lle ar gyfer pob achlysur Arwerthiant Cist Car hyd at fis Awst! Dyma ddyddiadau'r achlysuron sydd ar y gweill:
14 Mehefin, 12 Gorffennaf, 9 a 23 Awst. Mae modd cadw lle am £10.
Tocynnau ar werth yma
Sioe Ceir Clasur
28 Mehefin
Hen geir, beiciau a llawer yn rhagor yn Amgueddfa Parc Treftadaeth Cwm Rhondda! Dyma achlysur i bobl sy'n hoff iawn o hen geir – bydd cwrt Amgueddfa Parc Treftadaeth Cwm Rhondda yn llawn unwaith eto ar 28 Mehefin.
Archebwch eich car gan ddefnyddio'r ffurflen yma Classic Car Show Booking Form 2025
Dyma achlysur gwych i'r teulu cyfan ei fwynhau, gyda chyfle i weld ceir clasur mewn cyflwr arbennig a chwrdd â'u perchnogion brwdfrydig a gwybodus. Mae'r cyfan yn digwydd ddydd Sadwrn, 28 Mehefin, rhwng 10am a 4pm. Yn ôl yr arfer, bydd yr achlysur yn cael ei gynnal ar y cyd â Chlwb Ceir Clasur Morgannwg. Cost mynediad yw £5.50 i oedolion, £4.50 i blant dros 5 oed. Mae mynediad i blant dan 5 oed am ddim.
Mae tocynnau ar gyfer y Sioe Ceir Clasur ar gael yma. Bydd tocynnau hefyd ar gael ar y diwrnod.
Archeoleg a lles
23 Gorffennaf
10am - 3pm
Ymunwch â ni ym Mharc Treftadaeth Cwm Rhondda ar ddydd Mercher 23 Gorffennaf 2025 i ddysgu am archeoleg a lles. Bydd cyfle gyda chi gael blas ar ein clustffonau Realiti Rhithwir (VR), dysgu am y gwahanol fwydydd yr oedd pobl yn eu tyfu yn y gorffennol, a phlannu rhywbeth i fynd adref gyda chi ar y diwrnod. Byddwch chi hefyd yn dysgu am yr effaith gadarnhaol y mae crefftio’n ei chael ar eich lles, a'r cysylltiad rhwng crefftio ac archeoleg. Ewch i wefan Parc Treftadaeth Cwm Rhondda i gadw lle. Pris y sesiwn y £3 fesul plentyn (oedolion am ddim), a bydd y sesiynau’n cael eu cynnal rhwng 10:00-12:00 ac 13:00-15:00. Rydyn ni'n edrych ymlaen at eich gweld chi!
Tocynnau yma
Llwybr Tramffordd Richard Griffiths
25 Gorffennaf
11am
Dewch am dro ar hyd y dramffordd gydag aelod o Garfan y Gwasanaethau Treftadaeth. Bydd y daith gerdded yn dechrau ym Mharc Treftadaeth Cwm Rhondda, ac yn dod i ben ym Mharc Gwledig Barry Sidings. Yn ystod y daith byddwch chi'n dysgu am ffosiliau, cael gwybod pam bod rhai o afonydd yr ardal yma'n goch eu lliw, gweld y fynedfa i’r hen lofa ddrifft, a gweld sut mae'r cwm wedi newid dros amser. Dyma achlysur am ddim sy'n addas i bob oed. Cofiwch wisgo dillad addas a dewch â diod gyda chi. Byddwn ni'n cwrdd am 11am ar ddydd Gwener 25 Gorffennaf ym Mharc Treftadaeth Cwm Rhondda.
Am ddim. Yn dibynnu ar y tywydd.
Taith Gerdded cronfa ddwr Maerdy a Lluest-Wen
1 Awst
11am
Ymunwch ag aelod o'r Gwasanaeth Treftadaeth i fwynhau'r safleoedd hanesyddol o amgylch cronfeydd dŵr Maerdy a Lluest-wen. Yn ystod y daith gerdded 9 cilometr hon, byddwch chi'n cael cyfle i weld adfeilion castell canoloesol, yn cerdded heibio tŷ hidlo Castell Nos ac yn mwynhau golygfeydd gwych o'r gronfa ddŵr. Er bod y llwybr yn wastad ac wedi'i gynnal a'i gadw'n dda, mae'n daith gerdded hir. Felly, gwnewch yn siŵr eich bod chi'n gwisgo dillad addas ac yn dod â dŵr gyda chi. Byddwn ni'n cwrdd ger cofeb Porth Maerdy am 11am ddydd Gwener 1 Awst ar gyfer yr achlysur am ddim yma (gan ddibynnu ar y tywydd).
Rydyn ni'n edrych ymlaen at eich gweld chi yno!
Am ddim.
Rhialtwch Calan Gaeaf
29 & 30 Hydref
Ymunwch â ni am helfa Calan Gaeaf, sesiwn pigo pwmpenni a llawer yn rhagor yn yr achlysur blynyddol poblogaidd yma.
Ogof Siôn Corn
22 Tachwedd - 24 Rhagfyr
Mae Siôn Corn yn cyrraedd ddiwedd mis Tachwedd ac yn aros am fis o hwyl yr ŵyl! Dilynwch ei weithwyr ar daith o dan y ddaear i chwilio am yr ogof fwyaf hudolus!
Bydd holl fanylion yr achlysuron yma'n cael eu rhannu ar y dudalen yma ac ar ein tudalen Facebook drwy gydol y flwyddyn. Edrychwn ni ymlaen at eich croesawu chi yn 2025!
Am restr gyflawn o'r achlysuron sy ar gael ym Mharc Treftadaeth Cwm Rhondda, ac ar hyd a lled y Fwrdeistref Sirol, ewch i www.rhondda-cynon-taf.gov.uk/achlysuron