Mae'r Cyngor yn chwarae ei ran i fynd i'r afael â’r Newid yn yr Hinsawdd ac wedi atgynerthu ei ymrwymiad a thargedau yn ei Gynllun Corfforaethol newydd ar gyfer 2024-30 - '
Gweithio gyda'n Cymunedau'.
Mae 'Gweithio gyda'n Cymunedau' yn cynnwys y gwaith a nodir yn ein Strategaeth Mynd i'r Afael â'r Newid yn yr Hinsawdd - 'Hinsawdd Ystyriol RhCT'. Ynghyd â phethau eraill mae'r cynllun newydd yn dangos sut y byddwn ni'n lleihau allyriadau carbon o fewn y Cyngor a sut y byddwn ni'n cefnogi ac yn dylanwadu ar drigolion, cymunedau, a busnesau yn y Fwrdeistref Sirol i leihau eu rhai nhw. Wrth gyflawni prosiectau allweddol, er enghraifft y Cynllun Ynni Ardal Leol, trafnidiaeth carbon isel, cynhyrchu ynni gwyrdd ac arwain drwy esiampl, ein nod ni yw ei gwneud yn haws i'n trigolion, ysgolion, cymunedau, ymwelwyr, a busnesau wneud dewisiadau di-garbon neu garbon isel.
Erbyn 2030
- Bydd RhCT yn gyngor carbon niwtral
- Bydd y Fwrdeistref Sirol mor agos â phosibl at fod yn garbon niwtral
- Byddwn ni wedi cyfrannu at fodloni uchelgais Llywodraeth Cymru o gael sector cyhoeddus sero net
Dyma fideo byr am sut rydyn ni'n mynd i'r afael â'r Newid yn yr Hinsawdd yn Rhondda Cynon Taf
Llwodraeth Cymru
Y nod yw cael Cymru sero net erbyn 2050, sy’n golygu bod y nwyon tŷ gwydr sy’n cael eu tynnu o’r atmosffer mewn cydbwysedd â’r nwyon tŷ gwydr sy’n cael eu hallyrru. Mae angen i ni gyd weithio gyda’n gilydd i wireddu hyn – Llywodraeth Cymru, Nghyngor RhCT, cymunedau, busnesau, a phawb yng Nghymru.
Am ragor o wybodaeth am sut yr ydym am gyrraedd yno, ewch i Lywodraeth Cymru – Gweithredu ar Hinsawdd Cymru.
