Cyn gwyliau'r banc, gwyliau tymhorol, neu os bydd tywydd garw, fe wnawn ein gorau i roi'r wybodaeth ddiweddaraf ar y dudalen yma, gan gynnwys y sefyllfa o ran gwasanaethau'r Cyngor sydd ar gael, a'r ffyrdd a'r ysgolion sydd ar gau.
I gael y newyddion a'r wybodaeth ddiweddaraf, dilynwch ni ar Twitter a hoffwch ni ar Facebook
Oriau Agor Gwyliau Banc Mis Mai 2025
Bydd y Cyngor, gan gynnwys y Ganolfan Alwadau i Gwsmeriaid AR GAU o ddydd Llun 26 Mai tan 9am dydd Mawrth 27 Mai 2025 – mae hyn yn berthnasol i BOB prif wasanaeth heblaw am argyfyngau tu allan i oriau'r swyddfa a rhai gwasanaethau hanfodol.
Os nad ydych chi'n gweld yr adran rydych chi'i heisiau isod, trowch at y tudalennau neu wefannau unigol am wybodaeth ynglŷn â'i horiau agor dros Ŵyl y Banc.
Bydd modd i chi ddefnyddio ystod o wasanaethau ar-lein yn ystod y cyfnod yma, ond rhaid i drigolion gofio efallai na fydd ceisiadau yn cael eu prosesu tan 9am dydd Mawrth 27 Mai 2025 pan fydd swyddfeydd yn ailagor.
Cysylltu â'r Cyngor mewn Argyfwng
Gwastraff ac Ailgylchu
Does DIM NEWIDIADAU i'ch casgliadau Ailgylchu a Gwastraff dros Ŵyl y Banc, felly gadewch eich eitemau yn eich man casglu arferol ar eich diwrnod casglu arferol. Mae hyn yn berthnasol i BOB casgliad ailgylchu, gan gynnwys cewynnau, bwyd a bagiau ailgylchu CLIR.
Mae modd dod o hyd i fanylion LLAWN ar y tudalennau yma
Mae'r Canolfannau Ailgylchu yn y Gymuned ar agor o 8.30am tan 6.30pm bob dydd gan gynnwys dydd Llun Gŵyl y Banc.
Ewch i'r tudalennu ailgylchu am wybodaeth gyffredinol am ailgylchu, gan gynnwys dod o hyd i'ch diwrnod casglu a chanllawiau clir am yr hyn mae modd ei ailgylchu.
Gofal Cymdeithasol
Os oes angen i chi gysylltu ag aelod o'r Garfan Gofal Cymdeithasol mewn argyfwng dros Ŵyl y Banc, defnyddiwch y rhifau ffôn canlynol:
- Materion Gofal Cymdeithasol Brys tu allan i oriau'r swyddfa, gan gynnwys y Pasg, penwythnosau a gwyliau banc: 01443 743665.
I'r rheiny sydd angen cysylltu â'u darparwr gwasanaeth uniongyrchol dros benwythnos Gŵyl y Banc, cysylltwch â nhw'n uniongyrchol gan ddefnyddio'r manylion cyswllt y maen nhw wedi'u darparu.
Prydau yn y Gymuned (Pryd-ar-glud)
Bydd y garfan Prydau yn y Gymuned yn cefnogi defnyddwyr y gwasanaeth dros gyfnod Gwyliau'r Banc ac mae'r fwydlen wedi'i ddarparu er mwyn archebu ymlaen llaw lle bo angen.
Mae rhagor o wybodaeth ar gael ar y tudalennau yma.
Digartrefedd
Mae gwybodaeth a chyngor ar gael ar dudalen digartrefedd y wefan yma.
Nodwch y bydd y Gwasanaeth Materion Tai AR GAU ddydd Llun 26 Mai tan 9am ddydd Mawrth 27 Mai 2025.
Bydd gwasanaeth brys y tu allan i oriau ar gael ar 01443 425011, fodd bynnag, dim ond argyfyngau, pan hysbysir nad oes gan rywun lety ar gael iddyn nhw, fydd yn cael eu trin trwy'r gwasanaeth tu allan i oriau yma.
Bydd yr holl ymholiadau eraill o ran tai a digartrefedd yn cael sylw pan fydd y swyddfa'n ailagor fore Mawrth 27 Mai 2025.
Y Swyddfa Gofrestru
Bydd y Swyddfa Gofrestru, Adeiladau Bwrdeistrefol, Pontypridd ar gau ddydd Llun 26 Mai tan 9am ddydd Mawrth 27 Mai 2025 ar gyfer ceisiadau/cyhoeddi tystysgrifau.
Os yw'r swyddfa ar gau ac mae gyda chi ymholiad brys, ffoniwch ein Gwasanaeth Ôl-oriau ar 01443 425001.
Mynwentydd a Gwasanaethau Profedigaethau
Bydd y brif swyddfa (Glyntaf) AR GAU ddydd Llun 26 Mai tan 9am ddydd Mawrth 27 Mai 2025.
Ar hyn o bryd, does dim newidiadau ar gyfer tir y Mynwentydd dros Ŵyl y Banc.
Ambell waith, mae amgylchiadau eithriadol yn codi pan fydd rhaid inni gau mynwentydd i gerbydau ar fyr rybudd.
Os bydd raid cau ffyrdd i gerbydau i mewn i fynwent, caiff hysbysiad ei osod ar gatiau'r fynwent a fydd yn rhoi gwybod i'r cyhoedd. Cyn gynted ag y bydd yn ddiogel, caiff gatiau'r fynwent i gerbydau eu hagor.
Mae modd i gerddwyr ymweld â'r fynwent hyd yn oed pan fydd ffyrdd i gerbydau wedi'u cau. Er hynny, bydden ni'n argymell yn gryf i bobl fod yn ofalus pan fyddan nhw'n ymweld â'n mynwentydd pan fydd y tywydd yn arw ac i sicrhau eu bod yn gwisgo dillad ac esgidiau addas er mwyn osgoi cwympo ac anafiadau.
Toiledau Cyhoeddus
Pob toiled – ar gau ddydd Llun 26/05/25.
Mae modd bwrw golwg ar fanylion llawn a lleoliadau'r cyfleusterau yma - Toiledau Cyhoeddus
Canolfannau Hamdden
I weld pryd mae'ch Canolfan Hamdden leol ar agor, dilynwch @RCTLeisureService ar Facebook ac Instagram, neu mae modd chwilio am y Ganolfan dan sylw ar y cyfryngau cymdeithasol.
Amgueddfa Parc Treftadaeth Cwm Rhondda
Bydd Parc Treftadaeth Cwm Rhondda:
- Ar Gau ddydd Llun Gŵyl y Banc (26 Mai).
Ewch i wefan Taith Pyllau Glo Cymru neu ddilyn @RhonddaHeritagePark ar Facebook am fanylion achlysuron ac oriau agor.
Lido Cenedlaethol Cymru – Lido Ponty
Ewch i wefan Lido Ponty neu dilynwch @LidoPonty ar Twitter a Facebook am fanylion gweithgareddau ac oriau agor.
Llyfrgelloedd
Bydd llyfrgelloedd AR GAU ddydd Llun 26 Mai tan 9am ddydd Mawrth 27 Mai 2025.
Manylion am Wasanaethau'r Llyfrgelloedd
Bydd Cyfleuster Cymuned Gilfach-goch
AR GAU ddydd Llun 26 Mai tan 9am ddydd Mawrth 27 Mai 2025.
RhCT Gyda'n Gilydd - Helpu Cymunedau a Thrigolion i Ffynnu | Cyngor Bwrdeistref Sirol Rhondda Cynon Taf
Canolfan Dysgu Gydol Oes Gartholwg
Bydd Canolfan Dysgu Gydol Oes Gartholwg AR GAU ddydd Llun 26 Mai tan 9am ddydd Mawrth 27 Mai 2025.
Ewch i www.gartholwg.org am ragor o wybodaeth.
Gwasanaeth Cyngor IBobUn
Bydd swyddfeydd IBobUn AR GAU ddydd Llun 26 Mai tan 9am ddydd Mawrth 27 Mai 2025.
Parc Gwledig Cwm Dâr
Mae modd dod o fyd i fanylion llawn am y cyfleuster yma -Parc Gwledig Cwm Dâr
Theatrau
Ewch i wefan Theatrau RhCT a dilyn @TheatrYColieswmAberdar @ParkandDare ar Facebook am fanylion.
Cau Ysgolion a Chludiant Ysgol
Bydd pob ysgol AR GAU ddydd Llun 26 Mai ac yn ailagor fel arfer ddydd Mawrth 27 Mai 2025 (yn amodol ar unrhyw ddiwrnodau HMS sydd wedi'u cynllunio).
Dilynwch y dolenni isod i fwrw golwg ar yr wybodaeth ddiweddaraf am ysgolion sy wedi'u cau, amserlenni tymhorau'r ysgolion a chludiant ysgol.
Cau Ffyrdd
Dyma'r tudalennau ar gyfer yr wybodaeth ddiweddaraf am ffyrdd sydd ar gau -
Meysydd Parcio
Mae modd dod o hyd i wybodaeth am Feysydd Parcio Talu ac Arddangos y Cyngor ar y tudalennau yma.
Nodwch: Mae meysydd parcio'r Llyfrgell, Y Stryd Las, Stryd y Dug a Stryd Fawr yn Aberdâr, a maes parcio Heol y Weithfa Nwy ym Mhontypridd, yn rhai cyfnod byr - am uchafswm o bedair awr.
Mae Maes Parcio Aml-lawr Stryd y Santes Catrin ym Mhontypridd ar gau ar ddydd Sul a Gwyliau'r Banc.
Trafnidiaeth Gyhoeddus
Cewch chi'ch cynghori i gysylltu â'r cwmnïau perthnasol yn uniongyrchol am ragor o wybodaeth am newidiadau i wasanaethau yn ystod Gŵyl y Banc ac yn ystod tywydd garw.
Cysylltu â'r Cyngor mewn Argyfwng:
Er gwybodaeth i bob preswylydd, mae modd cysylltu â'r Cyngor os bydd argyfwng dros Ŵyl y Banc drwy ffonio 01443 425011, tu allan i oriau gweithio neu os bydd tywydd garw, o fore gwyn tan nos, saith diwrnod yr wythnos.