Rydyn ni wrth ein bodd i gyhoeddi bydd ein Ffair Yrfaoedd boblogaidd yn cael ei chynnal yng Nghanolfan Hamdden Sobell, Aberdâr, dydd Mercher, 21 Medi, 10am-4pm. Bydd 'awr dawel' rhwng 3pm a 4pm.
Os ydych chi’n chwilio am ddechreuad newydd, newid gyrfa, neu ddechrau eich bywyd gwaith, bydd rhywbeth ar eich cyfer chi.
Mae'r Ffair Yrfaoedd yn rhoi cyfle i chi siarad â chyflogwyr, archwilio opsiynau gyrfa, a gweld swyddi sydd ar gael.
Dyma’r Ffair Yrfaoedd wyneb-yn-wyneb gyntaf ers 2019, ac rydyn ni ar bigau'r drain i groesawu pawb!
Meddai'r Cynghorydd Maureen Webber, Dirprwy Arweinydd Cyngor Rhondda Cynon Taf:
“Mae’r Ffair Yrfaoedd yn hynod o boblogaidd, ac rydw i'n falch o’i gweld yn ôl gyda chlec!
“Rydyn ni fel Cyngor wedi ymrwymo i roi cyfleoedd i’n trigolion gael mynediad at gyflogaeth o safon. Mae'r Ffair Yrfaoedd yn dod â chyflogwyr lleol ynghyd mewn un lle ac yn dangos ein bod ni, fel Cyngor, am roi cyfle i drigolion gael mynediad i'r swyddi yma.
“Mae cymaint ar gael ar y diwrnod. Rydw i’n annog pawb sy’n chwilio am rywbeth newydd, rhywbeth gwahanol, neu sy’n chwilio am eu swydd gyntaf i alw heibio i edrych ar yr hyn sydd ar gael.”
Bydd dros 50 o sefydliadau yn cymryd rhan, ac maen nhw'n awyddus i lenwi swyddi sy'n addas i bawb yn y gymuned yn syth.
Bydd amrywiaeth eang o bartneriaid o fyd hyfforddiant ac addysg wrth law i roi cyngor ac arweiniad gyrfaol. Mae partneriaid yn cynnwys C4W, Gyrfa Cymru, Cyflogaeth â Chymorth Elite, Coleg y Cymoedd, Prifysgol De Cymru a llawer yn rhagor.
Mae’r rhestr gyflawn o gyflogwyr i’w gweld isod:
- Gofal Iechyd ABACARE
- Hyfforddiant ACT
- Adventure Travel
- ALS
- Alun Griffiths
- Angeni
- Apollo Teaching
- Y Fyddin Wrth Gefn
- Balfour Beatty a Trafnidiaeth Cymru
- Barod
- BT Openreach
- Busnes mewn Ffocws
- Care Cymru
- Arolygiaeth Gofal Cymru
- Gyrfa Cymru
- Cera Care
- CFW/I2W
- Coleg y Cymoedd
- Bwrdd Iechyd Prifysgol Cwm Taf Morgannwg
- Drive
- Dŵr Cymru
- Educ8
- EE
- Elite Paper Solutions
- Maethu Cymru RhCT
- Innovate Trust
- Itec
- Laser Security
- Lewis Ltd
- Lidl
- Lamau
- Morgan Sindall
- MPCT
- Rhwydwaith 75
- Y Swyddfa Ystadegau Gwladol
- Peacocks
- People’s Plus
- Pontus Research Limited
- Principality
- Q Care
- Radis
- RAF
- Ranstad
- Gofal Cymdeithasol i Oedolion RhCT
- Cynllun Prentisaid a Rhaglen i Raddedigion RhCT
- Gofal Plant RhCT
- Gwasanaethau i Blant RhCT
- Gwasanaethau Chwarae RhCT
- Carfan Datblygu'r Gweithlu Gofal Cymdeithasol RhCT
- Y Llynges Frenhinol
- Rubicon
- Screen Alliance Cymru
- SERENITY
- Gwasanaeth Tân ac Achub De Cymru
- Stagecoach
- Supply Desk
- Sword Security
- Y Bathdy Brenhinol
- Trivallis
- Gwasanaethau Ambiwlans Cymru
- Gwasanaeth Ymgysylltu a Chyfranogiad Ieuenctid
Bydd yr achlysur yn rhoi'r modd ichi siarad yn uniongyrchol â'r bobl 'ar y tu mewn', cymryd rhan mewn gweithdai i helpu gyda pharatoi cyfweliad ac ysgrifennu CV, a chael cyfle i ddechrau ymgeisio am swyddi.
Wedi ei bostio ar 31/08/22