Mae'n bleser gyda ni gyhoeddi bod y caffi ym Mharc Gwledig Cwm Dâr yn ail-agor ddydd Llun 24 Ebrill.
Mae'r caffi wedi bod ar gau am sawl mis ac mae hynny wedi caniatáu i'r deiliaid prydles newydd bwyso a mesur, cynllunio bwydlenni, ac mae ychydig o waith adnewyddu wedi bod hefyd. Caroline a Julian Symmonds yw'r deiliaid prydles newydd, a byddan nhw'n wynebau cyfarwydd i ymwelwyr rheolaidd â'r parc gan eu bod nhw wedi bod yn cynnal Caban Cwtsh ar y buarth ers mis Ionawr. Mae'r thema cwtsh yn parhau yn y caffi, ac enw newydd y caffi fydd Caffi Cwtsh.
Yn ogystal â gweini cinio a byrbrydau poeth ac oer, bydd y fwydlen yn Caffi Cwtsh yn cynnwys dewis eang o fwyd cartref cysurus megis pastai cig eidion tun a phastai caws a thatws. Bydd hufen iâ a melysion ar gael a bydd tê prynhawn yn cael ei weini ar y mesanîn.
Mae Cwm Dâr yn eithriadol o boblogaidd gyda'n cyfeillion sy'n cyfarth ac ymwelwyr, ac mae ardal gyfeillgar i gŵn hefyd. Yn amlwg dydy cŵn ddim yn cael mynd i'r ardal chwarae o flaen y caffi, o ganlyniad, defnyddiwch fynedfa'r buarth wrth ymweld.
Meddai'r Cynghorydd Ann Crimmings, Aelod o'r Cabinet ar faterion yr Amgylchedd a Hamdden:
Mae'n wych gweld bod y caffi ym Mharc Gwledig Cwm Dâr yn ail-agor. Mae miloedd o bobl yn ymweld ac aros yn ein parc gwledig bob blwyddyn, ac er bod cau'r caffi wedi caniatáu ar gyfer rhywfaint o waith hanfodol, mae trigolion ac ymwelwyr wedi gweld eisiau'r caffi. A minnau'n ymwelydd rheolaidd, rydw i'n edrych ymlaen yn fawr i'r caffi ail-agor ac i weld Caffi Cwtsh ar ai newydd wedd.
Am ragor o wybodaeth ac am ddiweddariadau cyson, dilynwch Barc Gwledig Cwm Dâr ar Facebook, Instagram a Twitter.
Wedi ei bostio ar 21/04/23