Mae system cwlfer well bellach wedi'i gosod ar Heol Dyffryn, Aberpennar, gyda chwlfer, siambr archwilio ac arllwysfa newydd.
Yn rhan o'r gwaith ger y gyffordd â Heol Aber-ffrwd, cafodd y cwlfer ei newid a siambr archwilio ac arllwysfa newydd eu gosod.
Mae hyn wedi cynyddu gallu'r seilwaith i ymdopi â chyfnodau o law trwm.
Elwodd y cynllun ar gyfraniad ariannol o 85% gan grant ar gyfer gwaith ar raddfa fach Llywodraeth Cymru.
Cafodd gwaith y Cyngor ei orffen erbyn diwedd mis Chwefror, a daeth y gwaith ar y cyfleustodau i ben ddydd Gwener 8 Mawrth. Mae'r lôn oedd ar gau bellach wedi ailagor ac mae'r goleuadau traffig dros dro wedi mynd.
Sylwch, mae rhwydi dros dro wedi'u gosod o gwmpas rhan o'r ardal ble mae hadau wedi'u plannu. Bydd y rhwydi'n symud unwaith y bydd y glaswellt wedi tyfu.
Diolch i chi am eich cydweithrediad.
Wedi ei bostio ar 12/03/24