157 o fusnesau bwyd yn derbyn sgôr PUM SEREN!

Dyma atgoffa cariadon ledled Rhondda Cynon Taf bod modd i chi fwrw golwg ar sgôr hylendid bwyd unrhyw fwyty yn RhCT cyn cadw lle ar gyfer Dydd Gŵyl Sain Folant.

Mae DROS 150 o fusnesau bwyd yn RhCT wedi derbyn sgôr hylendid bwyd PUM SEREN ers mis Hydref 2024, mae gormod o ddewis i drigolion RhCT! 

Mae 'Scores On The Doors' neu i ddefnyddio'i enw swyddogol - y Cynllun Sgorio Hylendid Bwyd yn helpu trigolion i ddewis ble i fwyta neu ble i brynu bwyd drwy roi gwybodaeth glir iddyn nhw am safonau hylendid y busnesau.  Mae'r Asiantaeth Safonau Bwyd yn cynnal y cynllun mewn partneriaeth â phob awdurdod lleol yng Nghymru.

Drwy’r Cynllun, mae busnes yn cael sgôr rhwng 5 a 0 sy’n cael ei harddangos yn ei eiddo ac ar-lein er mwyn i chi allu gwneud dewisiadau mwy gwybodus o ran ble i brynu a bwyta bwyd.

Dros gyfnod o dri mis, derbyniodd cyfanswm o 157 o fusnesau y sgôr uchaf o BUM seren - gan gynnwys lleoliadau preifat fel ysgolion a meithrinfeydd. 

Cafodd 87 lle bwyd cyhoeddus sgôr o BUM seren yn yr un cyfnod:

Derbyniodd pob un o'r busnesau bwyd yma'r sgôr uchaf - PUMP, sy'n golygu bod eu safonau hylendid yn dda iawn ac yn cydymffurfio'n llawn â’r gyfraith.  I gael y sgôr uchaf, mae'n rhaid i fusnesau wneud yn dda yn y tair elfen ganlynol - 

• Da iawn gyda pha mor hylan y mae’r bwyd yn cael ei drin – sut mae’n cael ei baratoi, ei goginio, ei ailgynhesu, ei oeri a’i storio
• Mae’r busnes mewn cyflwr da iawn– gan gynnwys glendid, cynllun, goleuo, awyru, rheoli plâu, a chyfleusterau eraill
• Mae’r busnes yn dda iawn wrth reoli diogelwch bwyd, gan ystyried y prosesau, yr hyfforddiant a’r systemau sydd ar waith i sicrhau y caiff hylendid da ei gynnal.

Mae sgoriau'n gipolwg ar y safonau hylendid bwyd a ganfuwyd adeg yr arolygiad. Mae'n gyfrifoldeb ar y busnes i gydymffurfio â’r gyfraith o ran hylendid bwyd ar bob adeg. 

Meddai'r Cynghorydd Bob Harris – Aelod o'r Cabinet ar faterion Iechyd y Cyhoedd a Chymunedau;

"Mae pawb yn Rhondda Cynon Taf yn haeddu mwynhau eu bwyd, yn gwbl hyderus ei fod wedi'i baratoi mewn modd hylan - mae arddangos sgoriau hylendid bwyd yn orfodol yn helpu pawb i wneud hynny.

"Nid yn unig y mae'n fuddiol i gwsmeriaid, ond i fusnesau hefyd.  Felly, rwy'n falch iawn i weld bod dros 150 o fusnesau bwyd yn RhCT wedi derbyn sgôr 5 seren yn ystod arolygiadau diweddar. Rydyn ni'n ffodus bod gyda ni fusnesau bwyd a bwytai hyfryd ac unigryw yn ein Bwrdeistref Sirol ac mae llawer yn rhagor sydd â sgôr 5 seren a heb gael eu nodi yma - dyma’r rhai o'r tri mis diwethaf yn unig!  Mae modd i chi weld sgôr pob lleoliad ar-lein ar https://ratings.food.gov.uk/cy.”

Dydy'r cynllun sgorio hylendid bwyd ddim yn darparu gwybodaeth am y ffactorau canlynol:

• ansawdd y bwyd, gwasanaeth i gwsmeriaid, sgiliau coginio, sut mae’r bwyd yn cael ei gyflwyno, cysur, materion cydymffurfio â safonau bwyd a chyfraith alergenau.

I weld rhagor o wybodaeth ynglŷn â'r arolygiadau diogelwch bwyd yn Rhondda Cynon Taf, ewch i - https://www.rctcbc.gov.uk/CY/Business/LicencesandPermits/Foodbusinesslicenceandregulations/Foodsafetyinspection.aspx

Er mwyn chwilio am sgôr busnes bwyd lleol ewch i - https://ratings.food.gov.uk/cy