Daeth ysgolion ledled Rhondda Cynon Taf at ei gilydd ddydd Llun 7 Mehefin a dydd Iau 10 Mehefin i arddangos a dathlu dysgu digidol. Mae'r ysgolion wedi bod yn cydweithio i ddatblygu ymarferion arloesol i gefnogi datblygiad sgiliau digidol o fewn y Cwricwlwm i Gymru, a chyflwynwyd Gwobr Arweinwyr Digidol sy’n Ddisgyblion Rhondda Cynon Taf, sef uchafbwynt rhaglen y maen nhw wedi cymryd rhan ynddi i wella arweinyddiaeth ddigidol o fewn ysgolion. Mae'r cynllun yn rhan o Strategaeth Ddigidol Rhondda Cynon Taf ar gyfer ysgolion, a gaiff ei hariannu gan HWB Llywodraeth Cymru.
Mae dysgu digidol wedi dod yn rhan annatod o gwricwlwm yr ysgol ac mae Carfan Ddigidol ar gyfer Ysgolion Rhondda Cynon Taf wedi datblygu Rhwydwaith Arweinwyr Digidol i gefnogi ysgolion cynradd ac uwchradd yn eu taith i ddysgu digidol effeithiol. Mae rhaglen Technoleg Addysg Hwb Llywodraeth Cymru wedi buddsoddi dros £100 miliwn er mwyn helpu i drawsnewid isadeiledd digidol a darparu mynediad at ddyfeisiau digidol ar draws pob ysgol a gynhelir yng Nghymru.
Deilliodd yr achlysur Arddangosfa Ddigidol Rhondda Cynon Taf, a gafodd ei gynnal ar 7 Gorffennaf yng Ngholeg y Cymoedd, o lwyddiant achlysur y llynedd. Yn ystod yr achlysur diwrnod o hyd yma, cyflwynodd ysgolion ystod o brosiectau yn hyrwyddo dysgu digidol ar draws y cwricwlwm a chydweithio rhwng ysgolion.
Gwahoddwyd holl ysgolion Rhondda Cynon Taf i fynychu yn ogystal â chynrychiolwyr o Lywodraeth Cymru, carfan Gwella Ysgolion Rhondda Cynon Taf, y garfan Gwella Digidol a TGCh, Consortiwm Canolbarth y De a Technocamps. Cafodd yr ysgolion gyfle i wrando ar ystod o siaradwyr gwadd a dewis o blith ystod o weithdai yn tynnu sylw at arfer effeithiol mewn dysgu digidol, gan gynnwys:
Cryfhau Cydweithio Digidol ar draws clwstwr Aberdâr – wedi'i gyflwyno gan Michelle Lloyd, Ysgol Gynradd Llwydcoed
Lleisiau Canol Cwm Rhondda: prosiect cydweithio digidol sy'n canolbwyntio ar orffennol, presennol a dyfodol y gymuned o fewn Clwstwr Ysgol Nantgwyn
Wedi'i gyflwyno gan Kayley Bartlett a Danielle Hipkiss, Ysgol Gynradd Cwm Clydach
Arweinyddiaeth Ddigidol Disgyblion: Cefnogi'r Gymuned i gadw'n ddiogel ar-lein
Ceryn Morgan, Ysgol Gynradd Trehopcyn
Datblygu Dysgu Digidol Effeithiol o fewn Clwstwr Treorci
Wedi'i gyflwyno gan Owen Wrangham, Ysgol Gynradd Penyrenglyn a Neil Arthur, Ysgol Gynradd y Parc
Addysg Adeiladaeth gyda 'Minecraft Education Edition'
Wedi'i gyflwyno gan Ddosbarth Mr Lucas (Blwyddyn 4/5), Ysgol Gynradd Gymraeg Llyn y Forwyn ac yn cynnwys gwaith disgyblion Blwyddyn 4/5 Ysgol Gynradd y Cymer
Dylunio ar gyfer Dysgu – Cydweithrediad Argraffu 3D: cydweithrediad rhwng Ysgol Gymuned y Porth a Phrifysgol De Cymru
Wedi'i gyflwyno gan Owen Jones, Ysgol Gymuned y Porth
Creu Ystafelloedd Dianc i wella Dysgu ar sail Ymholiadau
Wedi'i gyflwyno gan Kate Lewis, Ysgol Gynradd Treorci
Roedd yna hefyd ystod o weithdai yn canolbwyntio ar seiberddiogelwch a defnyddio deallusrwydd artiffisial yn ddiogel i gefnogi dysgu ac addysgu, wedi'i gyflwyno gan Gyngor Rhondda Cynon Taf, Hwb, Consortiwm Canolbarth y De a Charfan Cydnerthedd Digidol Llywodraeth Cymru.
Cafodd achlysur Arweinwyr Digidol sy’n Ddisgyblion Rhondda Cynon Taf ei gynnal ar 10 Gorffennaf ym Mhrifysgol De Cymru. Daeth disgyblion sy'n arweinwyr digidol o dros 30 o ysgolion ynghyd i rannu sut maen nhw wedi bod yn cefnogi arweinyddiaeth ddigidol yn eu hysgolion a'u cymunedau. Yn ogystal â rhannu eu dysgu, cymerodd disgyblion sy'n arweinwyr digidol ran mewn her ystafell ddianc cyn derbyn eu gwobr am gymryd rhan yn rhaglen eleni.
Cafodd Gwobr Arweinwyr Digidol sy'n Ddisgyblion Rhondda Cynon Taf ei gyflwyno gan Tim Britton, Pennaeth Cyflawniad yn Rhondda Cynon Taf – Sector Cynradd. Cafodd y wobr ei dyfarnu am gyflawni ystod o gerrig milltir yn ystod rhaglen Arweinwyr Digidol sy’n Ddisgyblion Rhondda Cynon Taf. Eleni hefyd oedd y flwyddyn gyntaf i gael gwobr Llysgennad Digidol Rhondda Cynon Taf, gan adeiladu ar yr arfer da a ddatblygwyd yn ystod y flwyddyn flaenorol. Cafodd ysgolion a gymerodd ran gyfle i weithio gyda'r gymuned i gefnogi menter ledled Rhondda Cynon Taf i gadw pobl yn ddiogel ar-lein trwy nodi gwybodaeth anghywir a chamwybodaeth.
Yr ysgolion a dderbyniodd y wobr eleni oedd:
Gwobr Arweinwyr Digidol sy’n Ddisgyblion Rhondda Cynon Taf
Ysgol Iau Tonpentre
Ysgol Gynradd Llwydcoed
Ysgol Gynradd y Cymer
Ysgol Gynradd Meisgyn
Ysgol Gynradd Mihangel Sant Eglwys
Ysgol Gynradd Cwm-bach
Ysgol Gynradd Penrhiwceiber
Ysgol Gynradd Oaklands
Ysgol Gynradd Ynys-boeth
Canolfan Addysg Tai
Ysgol Gynradd Gymuned Abercynon
Ysgol Gynradd Tref Aberdâr Yr Eglwys Yng Nghymru
Ysgol Gynradd Penyrenglyn
Ysgol Gynradd Gwaunmeisgyn
Ysgol Gynradd y Gelli
Ysgol Gynradd Cwmaman
Ysgol Gynradd Ynys-hir
Ysgol Gynradd Pont-y-gwaith
Ysgol Gynradd Maes-y-bryn
Ysgol Gynradd Pen-y-gawsi
Ysgol Gynradd Gymraeg Ynys-wen
Ysgol Gynradd Tonysguboriau
Ysgol Gynradd Llwynypïa
Ysgol Gynradd Gymuned y Maerdy
Ysgol Gynradd Parc y Darren
Ysgol Gynradd y Parc
Gwobr Llysgennad Disgyblion Rhondda Cynon Taf
Ysgol Gynradd Brynnau
Ysgol Gatholig Seintiau Gabriel a Raphael
Ysgol Gynradd Trehopcyn
Ysgol Gynradd Treorci
Meddai James Protheroe, Swyddog Arweiniol Rhondda Cynon Taf ar gyfer Dysgu Digidol mewn Ysgolion: "O helpu eraill i aros yn ddiogel ar-lein neu ddatblygu sgiliau digidol, i gyfathrebu â rhieni a'r gymuned leol, mae'r disgyblion yma'n chwarae rhan bwysig wrth arwain dysgu digidol yn eu hysgolion.
"Mae'r achlysur arddangos dysgu yn parhau fel dathliad blynyddol o ddysgu digidol ledled Rhondda Cynon Taf, i rannu gwybodaeth bellach ac arferion gorau mewn dysgu digidol."
Meddai'r Cynghorydd Rhys Lewis, Aelod o'r Cabinet ar faterion Addysg, Cynhwysiant a'r Gymraeg: "Dyna ddiwrnod gwirioneddol lwyddiannus i ysgolion Rhondda Cynon Taf rannu arferion gorau a dysgu am ddyfodol dysgu digidol. Roedd HWB Llywodraeth Cymru a'i phartneriaid yn wych wrth gefnogi'r cynllun yma ac addysgu'r ysgolion am ddiogelwch ar-lein, wrth hyrwyddo'r cymorth sydd ar gael i athrawon sy'n integreiddio dysgu digidol i'r cwricwlwm.
"Rydw i'n falch iawn o'r disgyblion sy'n arweinwyr digidol ac yn awyddus i weld y dyfodol y rhaglen a sut mae'n datblygu dysgu yn y dyfodol o fewn ysgolion Rhondda Cynon Taf, gan baratoi'r disgyblion ar gyfer y dyfodol."
Wedi ei bostio ar 22/07/2025