Rydyn ni’n falch iawn o gyhoeddi y bydd ein Ffair Swyddi boblogaidd yn cael ei chynnal ddydd Mercher, 1 Hydref yn Llyfrgell Pontypridd, Llys Cadwyn, CF37 4TH, rhwng 10am a 2pm. Bydd 'awr dawel' yn cael ei chynnal rhwng 9am a 10am.
Bydd yr achlysur am ddim yma'n gyfle i chi siarad yn uniongyrchol â chyflogwyr a gweithwyr, cymryd rhan mewn gweithdai a fydd yn eich helpu chi i baratoi ar gyfer cyfweliad ac ysgrifennu CV, a dechrau ymgeisio am swyddi ar y diwrnod!
Bydd dros 50 o sefydliadau yn bresennol yn y ffair ac yn awyddus i lenwi swyddi sy'n addas i bawb yn y gymuned ar unwaith. Bydd rheolwyr gwasanaeth a gweithwyr y Cyngor yno hefyd, byddan nhw'n rhoi'r wybodaeth am weithio i Gyngor RhCT sydd ei hangen arnoch chi!
Mae Rhaglen i Raddedigion RhCT ar agor ar hyn o bryd, a bydd y rhaglen Brentisiaethau yn agor ym mis Ebrill, felly dyma'r cyfle perffaith i siarad â'r garfan a dysgu rhagor cyn y cylch nesaf!
Os ydych chi’n chwilio am ddechreuad newydd, newid gyrfa, neu rydych chi'n dechrau eich bywyd gwaith, bydd rhywbeth ar eich cyfer chi yn Ffair Swyddi RhCT!
Meddai'r Cynghorydd Maureen Webber, Dirprwy Arweinydd Cyngor Rhondda Cynon Taf: “Rydym yn falch o gyhoeddi ein hail Ffair Swyddi yn 2025, gan ddod â phobl leol a chyflogwyr ynghyd mewn un lle bywiog! Mae digwyddiadau fel hyn yn agor drysau i geiswyr gwaith archwilio llwybrau gyrfa newydd, yn ogystal â rhoi cyfle i fusnesau gysylltu â'r gymuned a chryfhau eu gweithlu.
“Fel Cyngor, rydym wedi ymrwymo i roi cyfleoedd i'n trigolion gael mynediad at gyflogaeth o safon, ac mae hwn yn enghraifft wych o sut y gall ein cymuned gydweithio i adeiladu cyfleoedd, cefnogi twf a chreu economi leol gryfach.”
Mae rhestr o gyflogwyr sydd wedi cadarnhau y byddan nhw'n mynychu i’w gweld isod:
Abacare/CCH
Acorn Nurseries
Arc Labour Solutions PLC
Y Fyddin (Byddin Prydain)
Army Reserves
Bluewater Recruitment
Busnes Cymru
Care Cymru
Coleg Y Cymoedd
Bwrdd Iechyd Prifysgol Cwm Taf Morgannwg
Drive
Addysgwyr Cymru
Edwards Coaches
Fillcare
Maethu Cymru RhCT
Yr Adran Gyllid a Thollau
Horizon Civil Engineering Ltd.
Itec
Korbuild LTD
Matrix Agency
MPS Industrial
Q Care
Cyngor Rhondda Cynon Taf – Gwasanaethau Arlwyo
Cyngor Rhondda Cynon Taf - Carfan Datblygu Gofal Plant
Cyngor Rhondda Cynon Taf – Gwasanaethau i Blant ac i Oedolion
Cyngor Rhondda Cynon Taf – Gwasanaethau Demoecrataidd
Cyngor Rhondda Cynon Taf – Swyddig gwag
Gwaith a Sgiliau RhCT
Scope
Screen Alliance Cymru
SET Recruitment
Gwasanaeth Tân De Cymru
Wilmot Dixon
Community Catalyst
Cynefin Care
Insurance Institute of Cardiff
Arch Services Limited
Pritchard Holdings
Canolfan Byd Gwaith / Adran Gwaith a Phensiynau
Wedi ei bostio ar 11/09/2025