Trwyddedau alcohol ac adloniant

Cyflwyno Gorchymyn Deddf Trwyddedu 2003 (Oriau Trwyddedu Cwpan y Byd FIFA) 2026

Mae'r Llywodraeth bellach wedi cyflwyno Gorchymyn Deddf Trwyddedu 2003 (Oriau Trwyddedu Cwpan y Byd FIFA) 2026, sy'n cadarnhau oriau agor estynedig ar gyfer safleoedd trwyddedig yng Nghymru a Lloegr yn ystod cyfnodau allweddol o bencampwriaeth Cwpan y Byd Dynion FIFA 2026. Cafodd y Gorchymyn ei gyflwyno ar 12 Mai 2026 a bydd yn dod i rym ar 8 Mehefin 2026.

Mae'r Gorchymyn yn caniatáu i dafarndai, bariau, clybiau a safleoedd masnachu eraill sydd eisoes wedi'u trwyddedu ar gyfer gwerthu alcohol, aros ar agor yn hwyrach ar ddiwrnodau gemau cymalau dileu penodedig - y rownd o 32, y rownd o 16, y rownd gogynderfynol, y rownd gynderfynol a'r rownd derfynol- ond dim ond pan fydd Lloegr neu'r Alban yn chwarae. Lle mae hyn yn berthnasol, fydd dim angen i weithredwyr gyflwyno Hysbysiad Digwyddiad Dros Dro  fanteisio ar yr oriau estynedig.

Mae dyddiadau ac amseroedd penodol i'w gweld o fewn y gorchymyn a dim ond rhwng 23:00 a 01:00 y maen nhw'n berthnasol, a hynny pan fydd Lloegr neu'r Alban yn chwarae.

Os oes gyda chi unrhyw gwestiynau, e-bostiwch y Garfan Drwyddedu: Adran.Trwyddedau@rctcbc.gov.uk