Skip to main content

Newyddion sblashtastig i drigolion ieuengaf Rhondda Cynon Taf

Untitled design - 2024-11-04T115504.300

Newyddion sblashtastig i drigolion ieuengaf Rhondda Cynon Taf - bydd sesiynau nofio newydd sbon i fabanod yn dechrau mewn canolfan Hamdden am Oes leol i chi'n fuan iawn!

Mae'r sesiynau nofio llawn hwyl yma'n cynnig cyfle i fabanod a phlant bach (a'u rhieni neu warcheidwaid!) fwynhau yn y dŵr, magu hyder a dod yn gyfarwydd â bod yn y pwll.

Mae teganau dŵr lliwgar a gemau a hyd yn oed cerddoriaeth a hwiangerddi cyfeillgar i fabanod yn chwarae yn y cefndir.

Mae'r sesiynau wedi'u seilio ar gynllun peilot llwyddiannus a gafodd ei gynnal gan garfan Chwaraeon RhCT Cyngor Rhondda Cynon Taf ym mis Hydref i nodi Wythnos Nofio i Fabanod. Roedden nhw'n gymaint o lwyddiant, mae Chwaraeon RhCT a Hamdden am Oes wedi penderfynu cydweithio i'w gwneud nhw'n rhan barhaol o amserlenni'r pyllau nofio.

Mae'r Sesiynau Nofio i Fabanod wedi'u hanelu at fabanod a phlant bach rhwng 3 mis a 4 blwydd oed. Mae'r sesiynau'n awr o hyd, mae gyda nhw deganau lliwgar, gemau llawn hwyl a cherddoriaeth i helpu rhieni neu warcheidwaid a'r baban i fagu hyder yn y dŵr.

Mae amserlen y sesiynau newydd yma isod: 

  • Dydd Llun: Canolfan Chwaraeon Cwm Rhondda, Ystrad, rhwng 9.30am a 10.30am
  • Dydd Mawrth: Canolfan Hamdden Llantrisant, rhwng 11am a 12pm
  • Dydd Mawrth: Pwll Nofio Bronwydd, rhwng 10am ac 11am
  • Dydd Mercher: Canolfan Chwaraeon Cwm Rhondda, Ystrad, rhwng 9.30am a 10.30am
  • Dydd Iau: Pwll Nofio Glynrhedynog, rhwng 1pm a 2pm
  • Dydd Iau: Canolfan Hamdden Sobell, Aberdâr, rhwng 11am a 12pm
  • Dydd Iau: Canolfan Hamdden Tonyrefail, rhwng 1pm a 2pm
  • Dydd Gwener: Canolfan Chwaraeon Abercynon, rhwng 11am a 12pm

 

Mae sesiynau Nofio i Fabanod yn costio £5.80 y teulu (dau oedolyn, un plentyn) neu am ddim ar gyfer aelodau Hamdden am Oes.

Awrgrymiadau

Oes angen cyngor arnoch chi o ran sut i gefnogi datblygiad eich babi yn y dŵr? Bwriwch olwg ar ein fideos gwybodaeth i ddysgu sut i ddatblygu hyder eich babi yn y dŵr! 

Datblygu sgiliau gafael ac ymwybyddiaeth – cliciwch i wylio'r fideo

Symud yn y dŵr – cliciwch i wylio'r fideo

Hyder yn y dŵr – cliciwch i wylio'r fideo

Cicio a sblasio – cliciwch i wylio'r fideo 

Beth fydd ei angen arnoch chi? Cliciwch i wylio ein fideo.

  • Tywel ar gyfer y rhiant/gwarcheidwad
  • Gwisg nofio ar gyfer y rhiant/gwarcheidwad
  • Gwisgwch ddillad nofio o dan eich dillad (cofiwch ddod â'ch dillad isaf!)
  • Weips gwlyb
  • Hufen ar gyfer croen eich babi (os oes angen)
  • Cewyn nofio tafladwy
  • Ewch â chewyn sbâr gyda chi
  • Cewyn nofio sy'n dal dŵr
  • Rhaid ei wisgo â chewyn nofio tafladwy er mwyn atal halogi'r dŵr
  • Crys-t wedi'i ddylunio ar gyfer y dŵr neu wisg nofio i fabanod
  • Hoff degan o'r bath
  • Byddan nhw'n teimlo'n fwy cyfforddus yn y dŵr os bydd rhywbeth cyfarwydd yno
  • Tywel yn null poncho er mwyn i'r babi gadw'n gynnes unwaith y bydd yn sych
  • Rhowch dywel o amgylch eich babi ar y ffordd i mewn ac allan o'r pwll er mwyn ei gadw'n gynnes
  • Tywel arferol er mwyn sychu'ch babi 

I gael awgrymiadau da eraill, cliciwch yma i ddarllen erthygl wych gan sefydliad Nofio Cymru.

 


Wedi ei bostio ar 12/11/2024