Y DIWEDDARAF: 14/01/25 – nodwch, mae'r gwaith yma yn ardal Cilfynydd wedi cael ei ohirio felly does dim mesurau rheoli traffig ar waith ar hyn o bryd. Bydd gwybodaeth yn cael ei rhannu maes o law. Diolch
Bydd cynllun gwaith i atgyweirio difrod i wal fawr yn ardal Cilfynydd yn dechrau'r wythnos nesaf. Bydd angen rhoi mesurau rheoli traffig ar waith yn ystod y cyfnod yma.
Mae wal gynnal y gwaith maen wedi'i lleoli rhwng Heol Cilfynydd a'r A470 - ac mae angen ailadeiladu'r rhan o'r strwythur sydd yn y llun.
Cafodd y wal ei difrodi yn ystod gwrthdrawiad y llynedd, ac mae angen adfer y strwythur er mwyn sicrhau ei fod yn ddiogel ar gyfer y dyfodol.
Bydd angen gosod goleuadau traffig dros dro ar Heol Cilfynydd yn ystod y dydd - mae disgwyl i hyn bara oddeutu pedair wythnos o ddydd Llun, 13 Ionawr, ymlaen.
Nodwch y bydd y llwybr troed yn yr ardal yma'n dal i fod ar gau tra bo'r gwaith yn mynd rhagddo. Serch hynny, bydd y mesurau rheoli traffig yn darparu cyfleusterau sy'n helpu cerddwyr i groesi'r ffordd.
Rhaid cau lonydd a ffyrdd tua'r de ar yr A470 o bryd i'w gilydd hefyd fel bod modd cyflawni rhannau o'r gwaith yn ddiogel.
Bydd y rhain yn cael eu cynnal yn ystod y nos er mwyn tarfu cyn lleied â phosibl ar drigolion. Byddan nhw'n cael eu hyrwyddo gan Asiant Cefnffyrdd De Cymru (SWTRA), sydd â chyfrifoldeb am yr A470.
Mae'r Cyngor wedi penodi'r contractwr Hammond ECS Ltd i wneud y gwaith atgyweirio.
Diolch ymlaen llaw i drigolion a defnyddwyr y ffordd am eu cydweithrediad.
Wedi ei bostio ar 10/01/2025