Mae'r Swyddfa Dywydd wedi cyhoeddi rhybudd tywydd MELYN ar gyfer Rhondda Cynon Taf hyd at 10am Dydd Gwener, 20 Ionawr, oherwydd cawodydd o eira ac amodau rhewllyd.
Mae'n bosibl y bydd hyn yn tarfu ar draffig a theithiau mewn rhai ardaloedd. Mae hefyd yn bosibl y bydd y tywydd o dan y rhew bwynt yn cael effaith ar drafnidiaeth cyhoeddus.
Rydyn ni'n cynghori gyrwyr i yrru yn unol â'r amodau ac i ganiatáu amser ychwanegol ar gyfer eu taith.
Bydd adrannau Priffyrdd a Gofal y Strydoedd y Cyngor yn cadw llygad ar y sefyllfa ac yn trin y brif rwydwaith ledled ein Bwrdeistref Sirol, yn ogystal â ffyrdd ein mynyddoedd a meysydd parcio'r Cyngor.
Dyma gynghori'r cyhoedd i fod yn effro ac yn arbennig o ofalus trwy gydol cyfnod y rhybudd diweddaraf. Rydyn ni'n gofyn i drigolion a busnesau gymryd camau bach er mwyn lleihau'r risgiau pan fo'n bosibl ac yn ddiogel i wneud hynny
Mae biniau halen wedi'u gosod ledled Rhondda Cynon Taf er mwyn i drigolion eu defnyddio ar y ffyrdd. Rydyn ni'n gwirio'r cyflenwad halen yn y biniau yma'n gyson.
Biniau Halen: Gofynnwch am ail-lenwi bin, bin newydd neu am newid bin https://www.rctcbc.gov.uk/CY/Resident/ParkingRoadsandTravel/Roadspavementsandpaths/Gritting/GritbinsRefillsneworreplacementbin.aspx
Os oes gyda chi unrhyw broblemau, ffoniwch rif argyfwng tu allan i oriau y Cyngor ar 01443 425011. Hefyd, dilynwch gyfrifon cyfryngau cymdeithasol swyddogol Twitter a Facebook y Cyngor i gael y newyddion diweddaraf yn rheolaidd.
Wedi ei bostio ar 19/01/2023